રવિવાર, 14 માર્ચ, 2010

ટચુકડા જોડકણાં

ગામ આખું કે’ છે
એ હસે છે તો
એના ગાલમાં સુંદર મજાના ખાડા પડે છે.
હું પડ્યો પડ્યો ગણું છું,
આ ખાડામાં, મારા સિવાય
બીજા કેટલાં પડે છે ?
**************

એવું પેલ્લી વાર બન્યું
ભૂલી ગયો નામ હું મારું !
એમણે હળવેકથી પૂછ્યું :
“શું છે નામ તમારું ?”
**************

‘ખૂબસૂરતની’ જોડણી લખતાં
કાયમ ભૂલ થઈ જાય છે,
હું શું કરું ?
એ યાદ આવી જાય છે.
**************

જિંદગીને એમણે
રંગીન કાગળ ગણી.
મને છોડ્યો છે
હાંસિયો ગણી.
**************

હું સીધે રસ્તે ચાલ્યો
તો ઈશ્વર મળ્યા
અને સામે ચાલી
જરી ગલીમાં વળ્યો
ત્યાં તો એણે
દોટ કાઢી.
**************

ઊડ્યો પાલવ એમનો,
એમને ક્યાં ખબર છે ?
જઈને સ્પર્શ્યો જેમને, પૂછો
એમના શું ખબર છે.
**************

એવું જરૂરી છે,
આંસુ વહેતાં જ હોય ?
આવો, કારગીલની સરહદ પર,
બરફનાં ચોસલે-ચોસલાં બતાવું !
**************

એકમેકમાં મિક્સ કરો તોય
રિઍકશન ક્યાં આવે છે ?
મારું ને સમસ્યાનું
બ્લડગ્રૂપ એક આવે છે.
**************

હું એ નથી માગતો
કે મને મંઝિલ દે !
સફર દે !
ને એક મજેદાર સાથી દે !

**************

‘Beware of Dog’
બંગલાની બ્હાર
પાટિયું લાગ્યું :
આમાં ‘Dog’ ની જગ્યાએ
‘Dogs’….
હવે કેવું લાગ્યું ?
**************

તમારી આંખમાંથી ટપક્યું
એકાદ ટીપું આંસુ,
હું દોડું તે પહેલાં દોડ્યાં,
મારી આંખમાંથી આંસુ.
**************

હશે કયા જન્મનું લેણું
તે ઉઘરાવવા બેઠા છે,
ઘા કરીને મીઠું
ભભરાવવા બેઠા છે.
**************

આપણો રસ્તો તો એક જ હતો
પણ ડિવાઈડરની એક એક બાજુએ રહ્યાં :
આથી અકસ્માત તો ના થયો,
એક પણ ના થયાં.
**************

મારી આવડી અમથી આંખમાં
હું બેઉને કેમ સમાવું ?
નીંદર કે’ હું અંદર આવું
કવિતા કે’ હું બા’ર ના જાઉં
**************

સૌની
માત્ર પારદર્શક
આંખો તારી,
અપાર-દર્શક !
**************

મને
વહેલો જગાડશો મા.
થોડીક તો જીવવા દો
જિંદગી સપનામાં !
**************

અંધારું પણ મને છેતરી ગયું !
પછી થશે અજવાળું, પહેલાં ના કહ્યું !
**************

ચલો,
સમસ્યામાં સામ્ય
આટલું તો છે !
તને દુ:ખ છે થાકનું
મને દુ:ખનો થાક છે.

**************

6 ટિપ્પણીઓ:

  1. Ankit Shah Says:

    Prerak,

    very much worthy collection.

    sagar ma dubki lagavine moti lai avyo chhu tu.

    જવાબ આપોકાઢી નાખો
  2. Pratik Joshi Sais:

    Kharekhar, super collection chhe, just unbeaten..

    Prerak bhai aavo amulya khjano share karva badal aapna shau mitro taraf thi aapno khub khub aabhar..

    જવાબ આપોકાઢી નાખો
  3. Prerak Shah Says:

    Thanks dosto, aa to tamara badhano prem chhe...... ;)

    Actaully, got to read it somewhere on the net and I just couldn't stop myself to post it here. Can't decide which of them can be considered as favourite. :)

    જવાબ આપોકાઢી નાખો
  4. એ ગમ નો શું મતલબ જેમાં તારી કમી ના હોય એ ખુશી નો શું મતલબ જેમાં તારી કમી ના હોય હું તો એ વિચારી ને મોત થી મતલબ કરી બેઠો કે એ જિંદગી નો શું મતલબ જેમાં તારી કમી ના હોય
    ✍🏻Rohan Prajapati ✍🏻

    જવાબ આપોકાઢી નાખો
  5. કમી ના હોય કે કમી હોય. 'કમી હોય' એ જરા વધુ યોગ્ય લાગે છે. આપનો અભીપ્રાય જણાવજો.

    જવાબ આપોકાઢી નાખો